Ithimba lamaphoyisa lokusesha nokuhlenga liphakamisa ingwenya eyadutshulwa eMfuleni iKomati yabe isivulwa kwatholakala izinsalela okukholakala ukuthi ngezezosomabhizinisi oneminyaka engu-59 owayelahlekile kusukela ngoMsombuluko.
U-Kapteni JC Potgieter, owaziwa nangokuthi uSbali, yilona olenga lapho nengwenya ungumholi weqembu lokusesha nokuhlenga.
Kuzokwenziwa ukuhlolwa kwe-DNA ukuze kutholwe ukuthi izinsalela zomuntu ezitholwe engwenya ngezezosomabhizinisi owalahleka kuleli sonto eMpumalanga.
U-Kapteni Pottie Potgieter, we-Ehlanzeni Diving Unit uphakamisa ingwenya eMfuleni iKomatipoort. U-Kapteni Potgieter uqinisekise lokhu kutholakala izinsalela zomuntu ngaphakathi esiswini sengwanya
Ukuhlolwa kwesidumbu kwenziwa ngemuva kokuthi ingwenya iphakanyiswe yahanjiswa ensimini eseduze. Okhulumela amaphoyisa aseMpumalanga, u-Colonel Mavela Masondo, uthe kuzokwenziwa ukuhlolwa kwe-DNA ukuze kuqinisekiswe ukuthi izinsalela zomuntu ngezezosomabhizinisi oneminyaka engu-59.
Le ndoda kwabikwa ukuthi ilahlekile ngemuva kokuthi i-Ford Ranger yayo itholakale inamathele ebhulohweni eliphansi phezu koMfula iKomati ngoMsombuluko.
UMasondo uthe ubone ingwenya esolisayo kude maduze ne Ford ubese efuna ivumo yokuthi abulala ingwenya yatholakala kwayilapho baqinisekisa ukuthi lena izinsalela exikasomabhizinisi oneminyaka engu-59 ubudala.
Kesenjalo u Major General (Dr) Mkhwanazi uncome ithimba elihlanganisa i-SAPS Search and Rescue Unit, i-NatJoint, i-SanParks, i-Emergency Medical Services (EMS), i-Securecon kanye ne-Port Management Committee, ngokuthola izinsalela zomuntu ngaphakathi emathunjini engwenya eMfuleni iKomati, eKomatipoort.
Kuzokwenziwa ukuhlolwa kwe-DNA ukuze kuqinisekiswe ukuthi lezi zinsalela ngezezosomabhizinisi owabikwa ukuthi ulahlekile ngemuva kokuthi i-Ford Ranger yakhe itholakale inamathele ebhulohweni eliphansi eMfuleni iKomati, eKomatipoort.
Ngemuva kwesonto lonke besesha usomabhizinisi olahlekile, ithimba labona ingwenya emfuleni, okwakusolwa ukuthi yiyo ehlasela lowo muntu olahlekile.
Imvume edingekayo yatholakala ukuze kubulawe ingwenya. Yilapho ke kwatholakala futhi kwakhishwa khona izinsalela zomuntu engwenyeni.
IBamba likaKhomishana Wesifundazwe we-SAPS eMpumalanga, u-Major General (Dr) Zeph Mkhwanazi uncome ithimba elisebenze ngokuzikhandla, ezimweni ezinzima nezinobungozi, ukuthola umuntu olahlekile. “Ngihlonipha ithimba elizinikele elibeke izimpilo zalo engcupheni ukuthola umuntu olahlekile. Ngiyazi ukuthi bekungelula, kodwa abazange banikele, noma ngabe babhekene nesimo esiyingozi,”
