Udaba: Nomvula Mohalake
Odokotela behambisa isiguli sikhishwe emkhunjini i-MV Hondius ngenxa yokusolwa ukuthi sinegciwane le-hantavirus, baya nalo e-ambulensi esikhumulweni sezindiza sase-Schiphol, e-Amsterdam
Ukuphuma kwegciwane eliphuma kumagundane emkhunjini wabavakashi akusona isiqalo sesifo esisha esibhubhisayo emhlabeni, kusho izikhulu zezempilo.
Kuqhutshwa usesho lomhlaba wonke lokulandelela abagibeli abangama-29 abavela emazweni ayi-12 abashiya i-MV Hondius ngenyanga edlule ngaphambi kokuthi uqhubeke nohambo lwawo luya e-Cape Verde.
Ukuphuma kwabo kwenzeka ngaphambi kokuba kuqinisekiswe icala lokuqala le-hantavirus kanye nokwethulwa kwezinyathelo zokuhlukanisa abantu, okudale ukwesaba ukuthi bangase basakaze lesi sifo esibulalayo emhlabeni wonke.
Phakathi kwabagibeli abehla emkhunjini kwakukhona izakhamizi zaseBrithani eziyi-7, kanti ezimbili kuzo zihlukanisa zodwa ekhaya njengamanje futhi azinazo izimpawu.
Nokho, i-World Health Organisation yanciphisa ukwesaba kokuthi kungase kube nokuqubuka okubanzi kwalesi sifo.
UMaria Van Kerkhove ongu mqondisi we WHO wezobulungiswa nokuvilela izifo ezibhubhisayo uthe Lokhu akusona isiqalo sesifo esibhubhisayo emhlabeni wonke uthe lena akuyona i-Covid lena iyabulala
Izikhulu nazo zizama ukulandelela abantu abavela e-Canada, e-Denmark, e-Germany, e-Netherlands, e-New Zealand, e-Saint Kitts nase-Nevis, e-Singapore, e-Sweden, e-Switzerland, e-Turkey nase-United States abehla emkhunjini kusenesikhathi.
Iningi labo likhwele indiza eya e-Johannesburg ngomhlaka 25 Ephreli, inkampani yezindiza yaseNingizimu Afrika i-Airlink yathi yayiphethe abagibeli abangama-82 kanye nabasebenzi abayisi-6.
UMaria Van Kerkhove, umqondisi we-WHO wezokulungela nokuvimbela izifo ezibhubhisayo, wanciphisa ukwesaba kokuqubuka okubanzi kwe-hantavirus
Kuqondakala ukuthi abagibeli baseBrithani bazocelwa ukuba bazihlukanise e-UK izinsuku ezingama-45 lapho bebuyela khona.
NgoLwesithathu, i-World Health Organization (WHO) ithi sekubikwe amacala amahlanu aqinisekisiwe namathu asolwayo
Phakathi kwalabo bekukhona umbhangqwana waseDutch nowesifazane waseGermany oshonile kanye nesiguli saseBrithani esikusebeni lokunakekelwa okujulile eNingizimu Afrika.
I-MV Hondius enefulegi laseDutch yaphuma e-Ushuaia e-Argentina ngomhlaka 1 Ephreli ngo-hambo lokuvakasha oluthiwa “Atlantic Odyssey” nabagibeli abayi-114 kanye nabasebenzi abangama-61, ivakashela ezinye zeziqhingi ezikude kakhulu emhlabeni.
Ukushona kokuqala kwenzeka ngomhlaka 11 Ephreli, lapho indoda yaseDutch yashona ngemva kokugula.
Lapho umkhumbi ufika endaweni yaseBrithani yase-Saint Helena ngomhlaka 24 Ephreli, isidumbu sakhe sakhishwa emkhunjini, kanti nomkakhe wehla ngosuku olufanayo.
I-Oceanwide Expeditions, inkampani yohambo lwaseDutch ephethe lo mkhumbi, iqinisekise okokuqala ngoLwesine ukuthi abanye abagibeli abangama-28 nawo behle e-Saint Helena.
Iningi labo kukholakala ukuthi libuyele emazweni abo.
“Owase-Australia wabuyela e-Australia, owase-Taiwan waya e-Taiwan, abaseMelika baya emakhoneni onke eNyakatho Melika. Umngisi waya e-England, abaseDutch baya emakhaya abo,” kusho umgibeli waseSpain osasele emkhunjini i-Hondius, etshela i-El País.
ESwitzerland, umgibeli wangaphambili owashiya i-MV Hondius e-Saint Helena uhlolwe watholakala enegciwane futhi welashwa esibhedlela sase-Zurich.
E-US, abagibeli bangaphambili e-Georgia, e-Arizona nase-California bayaqashwa ngenxa yokusolwa ukuthi bangase batheleleke nge-hantavirus, ngokwemibiko, nakuba kungekho noyedwa obonisa izimpawu zokugula.
Isakhamizi saseDenmark esashiya umkhumbi e-Saint Helena sabuyela eDenmark ekupheleni kwenyanga edlule singene ekuzihlukaniseni. Abagibeli ababili bangaphambili abavela eSingapore bafakwe ekuhlukaniseni ezweni labo njengoba belinde imiphumela yokuhlolwa.
Kolunye uhlangothi, kuvele amacala amabili abantu abasolwa ukuthi banegciwane kodwa abebengenabo abagibeli emkhunjini.
Kukholakala ukuthi bahlangane nomkakhe wesisulu saseDutch – oyedwa kulabo abaqinisekisiwe ukuthi bathelelekile – owakhwela indiza esuka e-Saint Helena iya e-Johannesburg ngomhlaka 25 Ephreli.
Lo wesifazane wayehlele ukuthatha indiza exhumayo eya e-Netherlands ngomhlaka 25 Ephreli, kodwa waqala wazizwa embi kakhulu masinyane ngemuva kokukhweza indiza ye-KLM futhi akavunyelwanga ukundiza abasebenzi benkampani yezindiza yaseDutch.
Wabe eseyozela esikhumulweni sezindiza sase-Johannesburg wathwalwa wayiswa esikhungweni sezokwelapha, lapho washona khona ngakusasa.
UMnyango Wezempilo waseFrance uqinisekise ngoLwesine ukuthi isakhamizi saseFrance esahamba naye kuleyo ndiza eya e-Johannesburg – kodwa sasingesona isigibeli emkhunjini – manje sizihlukanisile ngemuva kokubonisa izimpawu ze-hantavirus.
UMnyango Wezempilo waseNetherlands uqinisekise ngoLwesithathu ukuthi owesifazane waseDutch owayeyisitewadi sendiza endizeni ye-KLM usethwalelwe esibhedlela sase-Amsterdam ngemuva kokubonisa izimpawu ezingaba ze-hantavirus.
Ama-hantavirus ayiqoqo lamagciwane atholakala kakhulu kumagundane kodwa angathelela abantu futhi abangele izimpawu ezifana nomkhuhlane, i-pulmonary syndrome kanye nokwehluleka ukuphefumula.
